ماتعرفين واحد اسمه عشم إبليس بالجنه.......

.
ملاحظة قبل قرأة الموضوع : المتحدث باللون الأزرق رجالي ، والمتحدث باللون الوردي نسائي والمتحدث باللون الأخضر ولادي </B>
***</B>
(1) حالة نادرة .</B></B>

أهلين أهلين حبيبتي ، وش فيك مبوزة اليوم عسى ماخلاف ، لا والله حبيبي بس مشتاقة لك كثير ، يابعد روحيّ صدقيني وأنا بالدوام تارك شغلي ومعي بيالة الشاهي وأطل من الدريشة على شارع الستين ومتخيله شاطيء وقاعد أهوجس بتس / وش غداك ياقلبي اليوم ، والله اليوم الغدى خفيف لأني مافضيت من كثر شغل البيت وسويت سندوشتات ، مافيه أحسن من الخفيف كل شي من يدك خير وبركه ، يابعد أهلي والله يارجلي ، تبي تتغدى الحين ولا بتريح شوي ، أنتي وش رايك تبينا نتغدى الحين ولا نريح شوي ، لانتغدى الحين بعدين نسولف شوي بعدين تريح شوي ، وبعدين خلاص . </B></B>

***</B></B>
(2) حالة دارجة .</B></B></B>

ياهييييييييش وينكم صقهان ، أنا هنا أنا هنا ، وش غداكم اليوم ، غدانا رز ودجاج وسلطة ولبن ، هذا اللي ربي قدرتس عليه رز ودجاج ، أنا بنام لاتقوميني وضفي عيالتس عني للحوش ، أسمع قبل ماتنام ترا اليوم بتوديني السوق وبعدين بنروح نطعم العيال ضد الحمى الشوكية وبعدين بتوديني بيت أهلي ، أقول ماتعرفين واحد اسمه عشم أبليس بالجنة ، لا أعرف واحد أسمه عشم صويلح في النوم ، شوفي إياني وإياتس تطقين علي الباب ترى والله لأكسر هالرسيفر فوق راستس تسمعين ، خوووووووفتني ياعنترّ بطق وماعلي منك . </B></B></B>

***</B></B></B>
(3) حالة نادرة .</B></B></B>

حبيبي وديّ أقولك شيء ، غردي ياحياتي ، أول شيء كيف الميزانية معك هالشهر ، والله حليوهـ ، مدام حليوهـ اجل خلاص مابي شيء ، لا حبيبتي قولي وش تبين عيوني لك وروحي لك وبوكي لك وراتبي لك وكل اللي تبين كله ، شف حبيبي أنا ما احب الميزانية تكون حليوة يعني فيه إلتزامات علينا ألزم من الشيء اللي أبيه ، بصبر للشهر الجاي وأن شاء الله تكون الميزانية حلوة بدال حليوة ، على راحتك حبيبتي .
ــــــــــــــــــــــ
أهلين بالجميع.....ترى هاذي اول مشاركه لي.....
وابغى ردووووود وتشجيع وتحمس .......يعني رفع معنوياات..تراني احب اسولف كثير......ههههه...استحملوني..
وأتمنى ان ينال أعجابكم...

احلى سواليف منك


تبين تشجيع بس

تحيا دودو تحيا

يا قلبي انتي مشكوره عالموضوع من جد الحاله الثانيه فله

هههههههههه

والله الحاله النادره هذي ما تحصل الا في لبنان وهالطقه اكيد

تسلمين دودو بدايه موفقه

حلوووووه خخخخخخخ
يسلموووو حبيبتي :$

الله يسلمكــــــــ قلبو

كفووو يادودو يالله الى الاماامـ << وش عندهـ الى الاماامـ

MESOoO_20 كتب:

كفووو يادودو يالله الى الاماامـ << وش عندهـ الى الاماامـ

يااااااااااا هوهـ على الثقافه
تسلم لي ميسوو......