لا وعندهم تعصب قبلي وغطوا على الشباب من هالناحيه لوول!!! يعني هاذي شمريه تهاوشت مع دوسريه عشانها قالت الشمامره...........؟ وهاذي سبيعيه تهاوشت مع عتيبيه عشانها قالت ........؟ وهاذي زهرانيه تهاوشت مع غامديه عشانها قالت.........؟
وهاذي حالتهم من اول ما يجون لين يطلعون على {الهده}
لا وما شاء الله عليهم عقولهم اكبر من سنهم يعني مثال بنت بثاني متوسط عمرها 15 سنه تعرف كل صغيره وكبيره واظن الله يرحم زمان اول
وتلقا كل وحده منهم معاها جوال اخر موديل ههه قصدي توه نازل ب2000 ريال وشاريته و هالشباب مساكين الرهيب بالحسره لووول مزحه
لا واذا جت المباريات بين الانديه هوشات مو صاحييييييه مثلا: بنت تهاوشت مع الثانيه وطلعت دمها عشانها قالت النصر يغطي على الهلال كفو والله........يالبي قلبها بس أحسن في النصراويه..بالراحه ومثال ثاني بنت قالت برشلونه تغطي على مانشستر يونايتد وتدوسها تحت جزمتها بعد
لا وانحش اذا جااء طاري اللاعبين اوووف اوووف تكفيخ ومكافخ ولعنة خير عشان ياسر القحطانيي احسن من مالك معاذ وعبد الرحمن القحطاني احسن من الجابر ونواف التمياط جذاب اكثر من الشلهوب وووووو ....إلخ بس الاكيييد
واذا جت مباراة المنتخب اللي كاتبه على ثوبها يالاخضر اللي ما تعرف المستحيل علم بلادك في يمينك يا الاصيل وبخاخات وعلى الجدران واللي كاتبه يكفي ان الكون كله وراي لاني سعوديه دايم الدوم قدام وعليهم وطنيه مو صاحيه بس يموتون على شئ اسمه فزاع الشيخ حمدان يموتون عليه ههه يحقلهم ويحبون قصيدة شاميه اتصلت غلطانه ويعشقون الشاعر لفى الهفتا
وما يقهرني الا ان المعلمات يخافون منهم
ولا اذا راحوا للمدرسه قصدي للسكول على مراييلهم ما تقول مراييل للمدرسه تقول فساتين عرس فتحات وخصر و انواع التزين انواع الكشخه انواع وانواع وانواع
وكل اغنية تنزل حفظوها بدقيقه بعني لو الوزاره تخلي المناهج اغاني وتجيب مساري يغنيها وربي ينجحون بالراحه ههه
والمشكله انهم يعرفون كل سياره تنزل ويعرفون موديلها قيمتها وشركتها والاقساط حقتها مدري وش عرفهم ما شاء الله
وطبعا كل وحده فيهم عندها اكثر من ايميل يعني ايميل للعايله وايميل لصديقاتها وايميل للمنتدياتها
لا واذا مروا شباب من عند مدرستهم انواع الزحمه يا شيخ اللي تزين الكحل حقها ولا تعدل لثمتها ولا تشيل الشيله خير شر كل هاذي عشان يقزوون صح!!!اسحب عليه...البعض...
وتعال بالحصه اللي تطقطق بعلكها واللي تاكل حب واللي تغني واللي يسولفون واللي يحشون واللي يتفقون على هوشه واللي ناوين على معلمه واللي تشق دفترها واللي تقص شعرها واللي تهستر بالمعلمه والشله هذيك منحاشه وشلة حليب نياق بالاداره الله لا يوريكم اذا حنا كذا وشلون المدارس الخاصه
لا وكل يوم يلبسون بناطيل تحت مراييلهم عشان اذا لعبوا كوره ورا المدرسه طبعا كل يوم الشلل هاذي مخصصين حشا شباب مو بناتحصه يهربون فيها ويروحون يلعبون ورا الدرسه بالكوره يروحون ورا ويفصخون ثيابهم طبعا البناطيل تحت يعني عادي ويلااا لعب اللي تقلد بيكهام واللي تقلد ياسر وهذيك تقلد كاكا والثانيه كريستيانو ولو تحطونهم بالانديه يفوزونها بالراحه
وهستره بالمعلمات مو صاحيه بس ترا هم ما يقولون لك شئ بس لو تقربلهم رحت فخرايطها
وما يعترفون بشئ اسمه نظافة كتب يعني طنش تعش تنتعش صارت كتبهم وسيله تعبير عن النفس يعني اللي متضايقه على طول فتحت الكتاب وكتبتلك ذيك القصيده واللي زهقانه تكتب بكتابها كل اغنيه حافظتها واللي ... واللي.... واللي....إلخ
هههههه
والمشكله دجه طول السنه ونهاية العام اللي جايبه نسبة 92% والثانيه95%
وعليهم ثقه بانفسهم مو صاحيه الوحده واثقه من نفسها حييييييل من كل ناحيه
وما يمر يومين الا وهم متواعدات يابملاهي والبالمشاغل حقت قص الشعر يتواعدون هناك
واذا جااء رمضان كالعاده فيه شئ اسمه صلاة تراويح هم يروحون عشان يدقونها سوالف دججججه من جد
وهاذي حالتهم مستحيل تتغير يعني صراحه اللعن من بنات الثانوي والجامعه حرااام البنت عمرها 15سنه 16 سنه14سنه 17سنه وداجه بس وناسه وربي على الاقل يطلعون من المدرسه بذكريات تضحك هههه
وهاذا هم بنات المتوسط اذا تبي تعرف اووووف قلق هالبنات هههههههههههه
الأربعاء أغسطس 20, 2008 6:49 am
